Endividi ak zam atake dimanch 19 novanm nan katye Solino, pandan atak sa polisye Vladimir Marcelin ki fè pati 27yèm pwomosyon mouri ak bal.
Daprè Sendika Nasyonal Polisye Ayisyen yo (SYNAPOHA) yon lòt polisye blese ak bal nan atak sa, pou kounya lap pran swen nan yon lopital nan kapital la.
Asasinay polisye Vladimir Marcelin fè yon total 34 polisye ki tonbe pou ane 2023.
Nap raple depi plizyè mwa yon gwo batay pete ant katye Belè ak Solino pou kontwòl teritwa. Malgre plizyè inisyativ pou tabli lapè nan zòn sila yo sitiyasyon an toujou konplike menm jan ak plizyè lòt katye nan zòn metwopolitèn Pòtoprens lan.Se aprè Yon ti poz plizyè semèn batay sa rekòmanse ankò,lage abitan yo nan Kouri Yon lòt fwa.
