Ansyen senatè Joseph Lambert reponn kesyon komisè gouvènman Pòtoprens Edler Guillaume jounen vandredi premye desanm nan sou dosye rapò ULCCa. ”M te di nou map rantre blan kou nèj poum sòti blan kou nèj ”deklarasyon Joseph Lambert ki anonse dosye a transfere nan kabinè enstriksyon.
Lidè sidès la Dil remèt komisè a tout dokiman ki pwouve deklarasyon l yo epil deja pare pou reponn kesyon jij kap gen pou enstwi dosye a.
Bò kote pal avoka Hervé Foucand fè konnen ansyen senatè a te fè devwal kolabore ak lajitis ,li esplike rapò ULCC a te lonje dwèt sou ansyen senatè a pou yon machin alòske l te gen 2 nan men l li te deja remèt yo.
Kidonk tou 2 ansyen senatè yo rantre lakay yo.
Nap raple ansyen senatè Fransisco Delacruz ki gen nonl site nan rapò sa ekri ULCC pou egzijel retire non l nan dokiman sila a. Ansyen eli Plato Santral la fè konnen l pat janm konn flannen nan biwo minis ak direktè jeneral alevwa poul ta al mande materyèl leta prete.
