Nan yon mesaj, Kòmandan an Chèf Polis Nasyonal la, M. Frantz Elbé, adrese l mèkredi 27 mas 2024 la ak popilasyon ayisyèn lan an jeneral, sosyete sivil lan ak tout lòt enstitisyon nan vi nasyonal la, pou remèsye yo pou bon jan kolaborasyon yo ak PNH la, sitou nan sitiyasyon peyi an ap fè fas jounen jodya.
Yon lòtbò, Direktè Jeneral PNH la pwofite felisite ak ankouraje tout vanyan polisye ki nan divès inite espesyalize ki angaje yo chak jou nan lit kont gran banditis lan epi toujou prezan sou tèren an pou kontinye pwoteje vi ak byen manb popilasyon an.
Nan okazyon an, Kòmandan an Chèf la rasire manb popilasyon an Polis Nasyonal pap kanpe nan batay l ap mennen an, pandan fè l konnen se nan tèt ansanm avèk popilasyon an PNH la ap bay pi bon rezilta toujou.
CPRP
