Anbasadè Fransè nan peyi Dayiti Fabrice Mairiès pa kache enkyetid li parapò ak Medsen San Fwontyè ki oblije fèmen pòt yo akoz aksyon bandi yo.
Diplomat la raple se pa premye fwa MSF viktim vyolans men l espere yo relouvri pòt yo avan lontan pou kontinye sèvi popilasyon an. Pou Fabrice Mauriès travay MSF yo pa gen parèy nan peyi a, mesyedam sa yo riske vi yo nan zòn difisil pou pote moso laswenyay bay popilasyon an.
Lafrans toujou kwè sitiyasyon ensekirite a parèt depase polis nasyonal la ki pèdi anpil manb. Se pou sa yo pral kontinye ogmante kòporasyon bilateral yo ak PNH la tankou nan bay lapolis fòmasyon pou inite espesyalize,don materyèl taktik ak proteksyon.
Fabrice Mauriès rekonèt sa yo pa sifi se pou sa yap tann avèk anpil enpasyans fòs miltinasyonal la ki dwe vin ede polis nasyonal la konbat gang yo.
Nap raple selon enfòmasyon plizyè medya entènasyonal rapòte yon premye gwoup 300 polisye Kenyan dwe deplwaye nan peyi dayiti nan mwa fevriye kap vini la, yon desizyon ki pran pandan vizit Direktè Jeneral PNH la Frantz Elbe nan peyi sa a. Annatandan otorite kenyan yo ap tann desizyon jistis peyi yo sou dosye sa nan mwa janvye a
