Envestigatè nan Inite ”Anti-Kidnaping” (CCE/DCPJ), ansanm ak polisye nan sou komisarya polis Gérald Bataille arete mèkredi 25 oktòb 2023 yon prezime kidnapè ki rele Ronald Romain. Sitwayen an jwenn arestasyonl nan zòn Kafou Gérald Bataille.
Lapolis mete Ronald anba kòd se apre samdi 7 oktòb pase a ajan DCPJ yo te mennen yon operasyon epi libere 3 moun yo te kidnape nan zòn Carradeux, nan operasyon sa ajan lòd yo te arete youn nan kidnapè yo ki denonse prezime kidnapè Ronald.
Daprè lapolis plizyè moun ki te kidnape te idantifye Ronald Romain. Pou kounya sitwayen sa twouvel nan gadavi annatandan li ale devan yon jij.
