Nan yon nòt ki parèt sou paj ofisyèl Facebook li Polis Nasyonal Ayiti a (PNH) anonse yo devye, madi 7 me 2024 sa a bò 12:30 PM, yon tantativ kidnaping nan ri Marcelin, sant vil Pòtoprens.
Pandan entèvansyon fòs lòd yo gen de (2) kidnapè ki tonbe epi ofisye lapolis yo sezi yon pistolè Smith ak Wesson kalib 40.
Lapolis fè konnen endividi ak zam sa yo te twouve yo nan yon machin ki pat gen plak, de (2) nan yo mouri nan chanje kout bal ak ajan fòs lòd yo ki te nan yon patwouy ki t ap fè virewon nan zòn nan. Daprè PNH la gen lòt akolit ki te gentan chape poul yo, men viktim nan, yo pa revele idantite l, an sekirite.
