Konseye Prezidan Leslie Voltaire ak Direktè Jeneral PNH la, Rameau NORMIL, vizite baz fòs miltinasyonal vandredi 19 jiyè 2024 a, nan komin Taba.
Vizit sa a rantre nan kad preparasyon k ap fèt pou ede fòs lòd Nasyonal yo retabli sekirite nan tout peyi a. Polisye Kenyan yo eksplike Konseye Prezidan Leslie Voltaire sa yo pral fè pou kwape bandi yo epi pou lapè ak sekirite retabli rapid nan peyi a.
Konseye Prezidan Leslie Voltaire, nan non KPT a, pwofite pale sou plizyè inisyativ yo gen pou pran, tankou Konsèy Elektoral Pwovizwa, Konferans Nasyonal, ak lòt ankò. Konseye Prezidan pwomèt ke nan yon semèn ankò, y ap rive mete kanpe KEP a.
