KNVA prezante ofisyelman Ati pwovizwa yo nan Akaye Jodi jedi a .
Louidor Prospère se non nouvo ati pou Yon ti bout tan Konfederasyon Nasyonal Vodouyizan Ayisyen prezante ofisyelman Jodi jedi a nan lakou Grann Gitonn ,komin akayè.
Dapre pot pawol KNVA nouvo ati gen Yon manda Yon lane kote lap gen pou oganize eleksyon épi fe pelerinaj nan mitan tout Vodouyizan yo nan lide pou ankouraje yo met tèt ansanm nan entere sektè a . ”desizyon pou mete Prospère Louidor kòm nouvo ati fè swit ak reyinyon ki te genyen nan Mwa pase yo ant konsey Gwétòde ak ansyen ati a Carl Henry Demorne ki pat reponn ak misyon li ”deklarasyon Thelemarque Roobens .
Nan diskou sikonstans li,Ati pwovizwa a remesye konsey la ki chwazil pou okipe pos sa . Prospère Louidor pwomet pou fe tout sak.posib nan objektif pou mete sou yon sèl tab tout Vodouyizan yo epi oganize eleksyon jan sa ekri nan regleman KNVA .
Prospere Louidor gen 40 lane depi lap sèvi lwa yo nan tisavyen ,depatman latibonit.Li ranplase nan pòs sa ,ougan Carl Henry Desmorne ki pase 2 lane kom ati.
