Sou inisyativ anbasad ayisyen an nan peyi Lafrans, Mikaben pral resevwa meday Sena Fransè a tit “posthume” jedi 30 me 2024 la. Yo pral remèt distenksyon sa a an prezans paran li ak anbasadè Ayiti a an Frans.
Sena te mete sou pye pri sa nan lane 2011 Ministè Ewòp ak Afè Etranjè te bay akò li depi 2014, meday sa a gen pou objektif pou rekonèt enfliyans Mikaben nan sektè mizikal la.
Seremoni an pral bay tou yon opòtinite pou pwòch Mikaben yo rann li yon omaj nan pataje anekdòt ak souvni sou lavi li ak karyè li, konsa y ap selebre tou eritaj atistik lejann mizik ayisyen an.
N ap raple atis ayisyen an Michael Benjamin, ke nou rekonèt sou non Mikaben te mouri nan sware samdi 15 oktòb 2022 a pandan yon konsè ak gwoup CARIMI nan Accor Arena nan vil Pari. Depi lè sa atis la resevwa omaj ak distenksyon nan divès peyi nan mond lan.
Lejann pa konn mouri, zèv Mikaben kontinye ap pale pou li.
