Ministè edikasyon nasyonal chwazi bay elèv 9 vyèm ki te rate ekzamen yo yon chans pou konpoze
Ministè edikasyon nasyonal chwazi refè egzamen ofisyel pou elèv 9 vyem ane fondamantal ki te rate eprèv sa yo .
Pou premye jou egzamen yo te gen anpil elèv ki pat konpoze akoz kout bal ki tap chante nan divès zòn nan rejyon metropolitèn tankou Pernier ,wout frè ,torcel taba elatriye .Nan sans sa ,Ministè Edikasyon Nasyonal ak Fòmasyon Pwofesyonèl anonse a
pati 28 jen kap vini la dewoulman egzamen ofisyèl 9em AF nan lise nasyonal Petyon vil pou kandida ki pat gen chans konpoze yo akoz pwoblem ensekirite.
Tout paran ap gen pou pote doleyans yo nan Biwo Distri Skolè sou wout frè a nan komin Petyon vil vandredi 24 ak samdi 25 jen daprè enfomasyon direktè depatmantal lwès edikasyon an, Frantz Étienne Louisseul.
Yon lòt kote, mesye Louisseul anonse yon ansanm dispozisyon pou evite egzamen ofisyèl pran lari a. Direktè depatmantal rekonèt sa repete souvan sitou ane sa pou egzamen 9 vyem ane yo .
Pandan konferans sa ,Otorite yo nan ministè fè konnen egzamen ofisyèl yo se te yon siksè menm si te gen iregilarite .
