Enspeksyon Jeneral Polis Nasyonal Dayiti lanse yè jedi 23 me 2024 la yon seri rankont estratejik ak chèf inite espesyalize yo, asistan yo, ansanm ak chèf operasyon yo sou konpòtman yo dwe adopte pandan operasyon polis yo ki pral fèt nan kad rive Misyon Sipò Sekirite Miltinasyonal la.
chèf inite yo ki te prezan nan rankont sa, tankou UDMO, CIMO, BRI, BLTS, BLVV, UTAG, SWAT, BOID, te eksprime volonte yo pou yo kontinye angaje yo nan batay kont krim òganize sou tout fòm, pandan y ap rete atache ak prensip kòd etik ak deontoloji enstitisyon polis la epi tou respekte lwa repibliken yo”, daprè nòt lapolis la.
Yon lòt bò, PNH la fè konnen gen lòt rankont travay k ap òganize nan jou kap vini yo ak ajan ki soti nan diferan inite espesyalize Polis Nasyonal Dayiti a.
N ap raple daprè kominike PNH la, Kanpay sansibilizasyon sa jwenn sipò wo Kòmandman PNH la, Entènasyonal Nakotik ak Ranfòsman Lalwa (INL), Biwo Integre Nasyonzini an Ayiti (BINUH), Biwo Wo Komisyonè Nasyonzini pou Dwa Moun (OHCHR), ak Fon Nasyonzini pou Timoun yo (UNICEF).
