Yon mwa apre yo te fin mete yon bout nan fòmasyon yo, gwoup ofisye polis Kenya yo ki te nan konje resevwa apèl pou rantre nan baz nan kad preparasyon pou deplwaman yo nan peyi Dayiti, se New York Times ki bay nouvèl la, madi 14 me 2024 la.
Gwoup sa gen ladann Inite Deplwaman Rapid, Inite Anti-Vòl, Inite Sèvis Jeneral ak Inite Patwouy Fwontyè, yo te konplete fòmasyon yo nan dat 4 janvye 2024. Yo rele yo pou kite konje semèn sa a pou preparasyon k ap fèt pou misyon yo an Ayiti.
Malgre yo pa bay yon dat ak presizyon ofisye yo fè konnen gen planifikasyon ki fèt pou yo rive nan peyi Dayiti nan mwa sa a, daprè New York Times.
N ap raple ofisye Kenya yo pral akonpaye ak polisye lòt peyi ki deja konfime patisipasyon yo nan misyon sa a tankou Bahamas, Jamayik, Espay, Beliz, Itali, Antigwa ak Barbuda, Senegal, Mongoli, Sirinam, Gwatemala, Perou, Barbad, Benen, Bangladèch ak Chad.
