Move nouvèl la fèk tonbe pou balon dò 2022 a. Karim Benzema, frape nan kwis samedi 19 novanm nan pandan antrenman, oblije deklare fòfè pou koup di mond Kata 2022 a.
Atakan ekip Lafrans lan Karim Benzema pap jwe mondyal a apre li fin blese nan kwis li pandan antrennman samdi sa, se federasyon foutbòl fransè a ki konfime nouvèl la, twa jou anvan premye match kont Frans kont Ostrali. Egzamen medikal yo te fè sou atakan Real Madrid la konfime yon “blesi” nan nivo kwadrisèps li nan kwis pye gòch la ki pral poul mande poul absan pou yon peryòd twa semèn.
Règleman FIFA yo pèmèt yo rele yon nouvo jwè jiska Lendi, yon jou anvan Lafrans-Ostrali, pou ranplase yon jwè ki blese nan dènye minit.
️ KARIM BENZEMA sou Instagram fè konnen “Nan vi’m mwen pa janm abandone men aswè a fòk mwen panse ak ekip la jan’m te toujou fè sa, rezon di’m kite plas mwen bay yon moun ki ka ede gwoup nou an fè yon bon koup du mond.” se sa nou te ka li nan deklarasyon balon dò 2022 a. Fòk nou raple Frans deja genyen plizyè jwè kad ki pap jwe mondyal la pou li, pami yo genyen Nkunku, Kanté, Pogba ajoute ak Karim Benzema.
