Jèn Grenadye yo demare preparasyon eliminatwa mondyal feminen 2024 la nan estad Sylvio Cator jodi madi 9 janvye 2024 la. Se seleksyonè Marc Ogé k ap mennen seyans antredman yo ak tout estaf teknik FHF la.
Jèn medam nasyonal yo ap gen pou yo jwe eliminatwa mondyal feminen an nan peyi Meksik nan vil Toluca soti 1e pou rive 11 fevriye 2024 la. Eliminatwa sa pral fèt tankou yon chanpyona pou zòn Concacaf la. Ayiti nan gwoup A, ap gen pou l jwe kont Kosta Rika jedi 1e fevirye, Salvadò samdi 3 fevriye epi Meksik lendi 5 fevriye.
De (2) ekip ap pase nan poul sa. Medam yo pral batay pou jwenn youn nan de (2) biyè sa yo k ap pèmèt yo kalifye pou Koupdimond fanm nan ki pral fèt nan peyi Repiblik dominiken soti 16 oktòb pou rive 3 novanm 2024.
Carl Henry Florant
