Apre separasyon brital li ak foutbolè Espanyòl la Gérard Piqué, chantè Kolonbyen an Shakira chwazi voye pye sou ansyen konpayon li nan nouvo chante li a ki rele “BZRP Music Sessions #53”, ki pibliye ayè mèkredi a sou YouTube. Yon chante ki aprè yon ti tan deja gen plis pase 55 milyon moun ki gadel.
“Ou pretann ou se yon chanpyon men lè mwen te bezwen ou, ou te bay pi move pèfòmans ou, “se sa pop star la di nan mizik la.
Chantè a 45 lane a, apre 12 zan ansanm ak ansyen defansè Baselòn nan, sanble definitivman pase yon kwa sou relasyon amourez li ak Piqué. “Mwen p’ap tounen vin jwenn ou, menm si ou kriye oswa sipliye m ‘,” se sa nou ka tande nan chante a ki dire mwens pase kat (4) minit.
Gerard Pique ak Shakira te anonse separasyon yo, apre atis la te sispèk pique pat fidèl avèk li. Chantè Shakira, “twò bèl pou yo ap twonpel.”
Atis Kolonbyen an tou pwofite nan mizik la poul atake nouvo mennaj Piqué a Clara Chia ki gen 23 lane.”Ou kite yon Ferrari pou yon Twingo”, “Yon Rolex pou yon Casio.”
Jean Kenson CARRIES (JKC)
