18 me 2024 la nan sware, 2 nèg ak zam ki te sou moto tonbe pandan yo te kwaze bab pou bab ak lapolis nan Port Margot pandan yon kontwòl sou wout la nan zòn Pescailles (seksyon kominal Port Margot).
Pandan afwontman sa , 2 nan sispèk yo ki blese mòtèlman te nan boukante kout bal ak fòs lòd yo, gen yon lòt ki te rive sove. Daprè responsab enstitisyon an nan Sidès Lapolis rekipere 2 zam pami yo yon pistolè 9mm ak 10 katouch epi yon revolvè 38 ak 04 katouch plis 02 dwouy ki te nan men endividi ki tonbe yo.
Daprè PNH la, Ricardo Previl alyas Kado, 32 lane, ak Saintilbert ensi koni se 2 prezime bandi ki tonbe yo. Reynald Carobert se non sa ki rive sove a.
Endividi sa yo se manm yon gang Reynald Carobert ap dirije, kap fonksyone nan Port Margot. Yo espesyalize yo nan touye moun, vòl, vyòl ak asosiyasyon Malfektè. Soti Janvye pou rive nan mwa me 2024, endividi sa yo ta deja touye pou pi piti 4 moun nan popilasyon an, daprè fòs lòd yo.
Yo genyen tou sou do yo akizasyon kòm moun ki t ap enpoze lwa pa yo nan komin Port Margot ki pat gen komisarya depi kèk tan.
