Plizyè milye moun Lavalas te plnan lari kapital la jodi dimanch 26 jen an pou mande retou ansyen Prezidan Jean Bertrand Aristide sou pouvwa a. Manifestan yo te soti nan plizyè katye nan zòn metwopolitèn nan. Yo te pran wout Delmas 33 epi pran direksyon Tabarre devan rezidans TiPè a.
Manifestan yo, gen kèk ki te mete mayo e lòt moun ki t ap leve foto lidè pati a, te mache nan plizyè lari nan kapital ayisyen an pou al rasanble devan rezidans ansyen prèt Sen Jean Bosco a. Premye imaj yo montre yon gwo foul moun ki tap rekòmande retou ansyen prezidan nan pouvwa pou vin dirije tranzisyon an.
Fòk nou raple apre gwo mouvman popilè yo nan lane 2004, Jean Bertrand Aristide te oblige kite palè nasyonal la an fevriye 2004, twazan aprè dezyèm manda li a. Moun ki pwòch pati Lavalas yo kalifyel koudeta.
JKC
