Direktè Jeneral PNH la, Mesye Frantz Elbé, akonpanye ak anbasadè Ameriken an, mesye Dennis Bruce Hankins, ak otorite ayewopò yo, te samdi 11 me 2024 sa a, nan Ayewopò Entènasyonal Toussaint Louverture nan Pòtoprens pou resevwa yon pakèt ekipman ki gen ladann machin blende Gouvènman Ameriken an ofri Ayiti nan kad pwojè pou ranfòse kapasite operasyon PNH la.
Pi lwen, enstitisyon lapolis la fè konnen nan menm jounen sa vòl komèsyal yo te rekòmanse ak rive nan Ayewopò Pòtoprens yon (1) vòl kago ak de (2) Vòl konpayi Sunrise, vòl sa yo te rive posib gras ak tout mezi sekirite ki te pran, fòs lòd yo fè konnen yo ap pran plis desizyon sekirite pou fasilite aktivite yo rekòmanse nòmalman nan Ayewopò a.
