Premye minis Ariel Henry bat bravo pou arestasyon Joseph Félix Badio, yon sispèk enpòtan nan dosye asasina jovenel Moïse la. Chèf Gouvènman ki fè tounen sot nan somè ”Canada Caricom ” ak somè sou devlopman ak migrasyon nan peyi Meksik salye gwo kout filè sa li di lapolis fè.
Se Jedi 19 oktòb la Polis nasyonal la arete Badio nan petyonvil. Komisè Ernst Dorfeuille konfime se limenm ak responsab polis la nan komin Petyonvil ki kòdone arestasyon sa ki mete fen nan 27 mwa mawon akize sa.
Yo rive poze lapat sou Félix Badio nan moman Premye minis Ariel Henry te deyò peyi a, pou li menm kout filè sa se yon gwo pa pou fè avanse ankèt kap mennen sou asasina ansyen chèf leta a.
Nap raple plizyè rapò ankèt tankou PNH Ak òganizazyon dwa moun te revele Premye minis Ariel Henry te pale plizyè fwa Ak Badio avan Ak aprè asasina a.
Nap presize sou radio Scoop FM nan mikro Garry pierre Paul Charles Ariel Henry te fè kwè Badio pa gen kapasite ni lajan pou menen yon operasyon konsa.
