Deba louvri depi kèk jou sou dat 7 fevriye a kap rive sou nou la a ,anpil aktè politik estime se dènye jou ekip Ariel Henry a ki chita pouvwa yo a sou akò 21 desanm nan.
Yon lide ki kontrè ak pozisyon sektè demokratik ak popilè a, pou pòt pawòl sektè demokratik ak popilè a Mèt André Michel Ariel Henry pa menm bewzen yon lòt akò poul rete sou pouvwa aprè 7 fevriye 2024.
Lap bewzen yon antant pou òganize eleksyon epi remèt pouvwa bay eli pèp la chwazi. SDP mande aktè politik yo tande rezon. Se sa nou te kapab li sou kont X pòtvwa SDP a.
Nap raple nan yon sòti nan fen semèn nan prezidan HCT a Mirlande Manigat apiye pozisyon sila yo ki kwè pouvwa Ariel Henry ap bout 7 fevriye dayè menm limenm pa epanye.
Mirlande Manigat di l konstate gouvènman pap gentan monte KEP pou òganize eleksyon avan dat sa jan sa te prevwa nan akò 21 desanm nan ki te pibliye nan jounal ”Le Moniteur.”
