Sekretè Jeneral Sena Repiblik la, Marie Nelly Verpile Boyer, libere jedi 9 me 2024 sa a aprè yon demann avoka li yo te depoze pou “rezon imanitè”.
Madam Boyer te jwenn arestasyon l sou demann majistra anketè Merlan Belabre, apre li te fin tande l nan kad ankèt konsènan dosye koripsyon ULCC revele sou kat debi ak jesyon byen leta anndan Sena a.
N ap raple ULCC te rekòmande pouswiv plizyè ansyen palmantè tankou ansyen senatè Hervé Fourcand, Joseph Lambert, Gracia Delva ak Wanique Pierre pou prezime enplikasyon yo nan dosye sa a.
