Dimanch 12 novanm nan chèf gang Andrice Isca ki tap dirije Site Solèy mouri nan sikonstans ki pa fin twò klè, depi aprè lanmò sa, gwoup gang yo ap twoke kòn yo pou pran kontwòl teritwa Iska tap dirije yo. Se ka lokalite Pyè6 Tè nwa ki te anba kontwòl Iska ki pou kounya ap sibi atak ekip ”Chen Mechan ” ki li menm deside abandone G9.
Akoz sitiyasyon sa moun ki abite nan katye sa yo oblije ap kouri kite kay yo, pou chape anba bal nèg ak gwo zam yo k ap goumen pou kontwole plis teritwa. Jiska aswè lendi 13 lan rive madi 14 novanm nan, kout zam otomatik pa sispann chante, daprè plizyè sous.
Lanmò Iska bay posiblite pou GPèp eseye repran plizyè espas ki te anba men G9.
Poko gen bilan ofisyèl sou lese frape yo men selon kèk enfòmasyon sèten medya rapòte gen yon moun ki deja pèdi lavi l epi plizyè lòt soti blese,san kote plizyè fanmi ki abandone kay yo.
