Premye Minis ayisyen an, Ariel Henry, ak Prezidan Dominiken an, Luis Abinader, rankontre ayè jedi 9 jen an nan 9yèm Somè Amerik yo, nan Los Angeles.
Pandan rankont lant PM Ariel ak Prezidan Abinader te diskite sou dosye migrasyon, regilarize travayè ayisyen yo, renouvèlman manda Biwo entegre Nasyonzini ann Ayiti (Binuh), ranfòsman jesyon pò yo epi finalman kandidati ansyen Minis Sante Piblik la ak Popilasyon, Doktè Florence Guillaume Duperval, kòm Direktè Jeneral Òganizasyon Panameriken Sante (PAHO).
Pandan rankont bilateral sa a, Prezidan Repiblik vwazen an anonse peyi l pare pou l bay gouvènman ayisyen an asistans teknik, nan domèn fòmasyon, teknoloji ak entèlijans.
Pou fini, chèf gouvènman ayisyen an, Ariel Henry, ak Prezidan Luis Abinader, te mete dakò pou regilarize sitiyasyon imigran ak travayè ayisyen yo nan Repiblik Dominikèn, nan ba yo dokiman idantifikasyon, ak nan redinamize Komisyon mix Konjwen nan mitan ayisyen ak Dominiken.
JKC
