Stephanie Louis Garçon 36 lane te abite nan Katye Lorye vil Okap, li te antere 12 out pase a ,maril Berthony Pierre Louis jwenn li nan ri 14 L samdi 11 novanm nan.
Stephanie te mouri 2 out li pase 10 jou nan mòg Edouard joseph ‘’Man Pentad ‘’ avan l ta l antere nan simityè. Nan yon videyo kap vire sou rezo sosyal yo jij de pè seksyon Nò Mèt Samuel Philippo fè konsta legal yo epi konfime tout enfòmasyon yo pou jounalis.
zombie a ki parèt timid pat ka reponn kesyon jounalis yo li sèlman rekonèt maril le l di ’’men marim chita adwat mwen,li rele Berthony ‘’ daprè jij de pè a.
Daprè Mèt Philippo mari a vini ak tout prèv yo tankou ak desè madanm li, lòt prèv ki pwouve li te nan mòg ‘’kay Man Pentad” nan ri 13 M. Se ponp finèb sa kite òganize fineray la.
Ak asistans komisarya Okap la jij la te pale tou ak pwòch fanmi an gran se zonbi a apre tout verifikasyon sa yo jij la remèt Stephanie bay mari l.
Jij la te pale tou ak kèk vwazen ki te patisipe nan fineray la ki konfime Berthony se mari Stephanie ki te mouri 2 out 2023 epil te antere 12 out.
Pou kounya jen fanm nan ak fanmi kap fe swivi espirityèl yo selon kwayans fanmi an. Nap raple se pa premye fwa ka sa yo ap repete nan peyi a ,nan 3 dènye ane sa yo te gen yon ka nan sid yon lòt nan plato santral ak yon lòt nan Nòdès.
Plizyè etid deja reyalize sou fenomèn ‘’zombification‘’ an. Nan dènye lejislati a, sou inisyativ ansyen Senatè Jean Renel Senatus sena a tap eseye gade Kòman yo ka fè lwa sou fenomèn sa a , entegre li nan nouvo kòd penal la, èske yo ka pini yon malfektè oungan oubyen nenpòt prèt vodou yo ta akize ki zonbifye yon moun ,ki prèv wap genyen pou akizel? Se ansanm kesyon sa yo ansyen prezidan komisyon jistis sena a tap eseye reponn ki jiskaprezan rete san repons pandan fenomèn sa ap parèt pi vizib chak jou Bondye mete .
