Sunrise Airways anonse rekòmansman vòl li yo pou ale ak pou soti nan Pòtoprens lendi 20 me 2024 kap vini an. Desizyon sa vini aprè dènye evolisyon yo pou pi byen sekirize ayewopò entènasyonal Tousen Louvèti a ak direktiv otorite ayewopò yo.
Konpayi an rekonèt dènye evenman ki pase anndan peyi a ki te lakoz tout vòl yo sispann te deranje pasajè li yo, li pwofite eksprime rekonesans li pou pasyans ak konpreyansyon yo pandan peryòd difisil sa a.
Nap raple depi kòmansman mwa mas okenn Konpayi avyon pat vole sou Pòtoprens, otorite yo pran gwo mezi pou sekirite ayewopò entènasyonal la. Anons sa a make yon etap enpòtan nan restorasyon lyen ayeryen ak kapital ayisyen an.
