Biwo Nasyonzini pou Kowòdinasyon Afè Imanitè (OCHA) anrejistre anviwon senkant (50) moun ki blese, gen ladan 10 ka ki grav, ak plis pase 200 kay ki detwi apre yon toubiyon ki te frape kominote Bassin-Bleu, nan aprè midi madi 21 me 2024 la.
Evènman metewolojik sa a kite prèske 300 fanmi san kay. Premye sekouris yo, ki gen ladan ajans pwoteksyon sivil Ayiti a ak Lakwa Wouj, di yo te mennen viktim yo nan lopital Saint Georges nan Bassin Bleu.
Depi aprè gwo evenman trajik sa gouvènman ayisyen an poko soti okenn nòt pou senpatizel ak viktim yo. Yon lòt bò, pwoteksyon sivil mande popilasyon ayisyèn nan fè prisdans paske lapli kap tonbe ka lakoz inondasyon ak glisman tè.
