Aprè kèk semèn estaj, seleksyonè ekip nasyonal kategori 20 lane a, Angelo Jean-Baptiste, pibliye lis jwè ki pral reprezante Ayiti nan eliminatwa mondyal foutbòl maskilen ki pral fèt soti 23 pou rive 27 fevriye 2024 la.
Se Federasyon foutbòl ayisyen an (FHF) ki pibliye lis 21 jwè ki pral defann koulè ekip ayisyen an nan konpetisyon sa kap gen pou l fèt nan peyi St Kitts and Nevis la jodi lendi 19 fevriye 2024 la.
Aprè yon long peryòd travay Angelo Jean-Baptiste fè konnen lis jwè l kenbe pou eliminatwa Koupdimond kategori 20 lane. Estaj sa ki te kòmanse nan lakou peyi a Dayiti t al rapousuiv nan peyi St Kitts and Nevis. Seleksyon an te pwofite jwe 2 match amikal kont 2 Klèb diferan nan peyi St Kitts and Nevis. De match nil (2-2 ak 1-1) ki te tou pèmèt coach ayisyen gade si fòmasyon l yo te pase epi seleksyone moun l ap kenbe yo pou tounwa Concacaf la.
Men lis jwè antrenè Angelo seleksyone pou chanpyona Concacaf la.
Gadyen
1- Markensly Toussaint
2- Jérémy Sanon
3- Jonah Garvin Mednard
Defansè
1- Rikanel Chéry
2- Jordy Monclair
3- Jaylen André Vil saint
4- Anderson Joseph
5- Mendell François
6- Darrell Nicolas Étienne Jr
Milye teren
1- Adelson Bélizaire
2- Alexander Jérôme Champagne.
3- Belmar Joseph
4- Cliford Louis Jean
5- Kerry Mipaulson Carrière
6- Scheilorens Lebrun
Atakan
1- Bryan Destin
2- Carl Laurent
3- Christopher Jean François
4- Isaïe Louis
5- Seth Powder
6- Van Shmid Georges
Pou premye faz elimintwa Koupdimond U20 an, Ayiti nan E ap jwe premye match li kont Îles Caïmans (23 fevriye) avan li twoke kòn ak St Kitts and Nevis (25 fevriye) epi Pòtoriko (27 fevriye) k ap vini la.
Carl Henry Florant
