Byen bomè maten mèkredi 10 janvye a wout nasyonal #1 an bloke nan komin Akayè. Pwotestatè yo denonse deklarasyon chèf gang Delije a Tibab ki pwomèt pou l touye tout moun akayè ki mete tèt yo sen Mak.
Tansyon ki tap devlope ant moun Akayè ak Monri a pran yon lòt koulè. Apre moun Akayè entèdi rantre Sen Mak apre asasina yon chofè kamyonèt Montrouis jounen mèkredi 10 janvye a, wout nasyonal #1 an bloke nan komin Akayè pou pwoteste kont desizyon sa.
Anplis pwotestatè yo denonse komisè Polis Akayè a Charles Jaurès yo di ki pap regle anyen nan komin nan depi lè li nonmen an, e li pa janm mete pye nan komin nan.
Sitiyasyon sa kap devlope sou wout nasyonal#1 an lakoz aktivite komèsyal yo paralize jounen mèkredi 10 janvye a nan komin nan.
