Nan kad projè ranfòsman lidè fanm pou batay kont VBG Oganizasyon” Refuges Des femmes d’Haiti” lanse jounen samdi 25 novanm nan yon nouvo pwogram ki jwenn finasman ONUFEMME ak WPHF.
Atravè pwogram sa yon ventèn fanm “vilnerab” jwenn 25 mil goud prete yap gen Pou remèt sou 5 mwa ak 750 goud kòm enterè. Prezidan REF Haiti a Novia Augustin esplike anpil medam sa yo se fanm ki Kouri kite kay yo nan zòn bandi kontwole yo, kèk ladan yo ap dòmi leve nan yon sant REF Haïti te mete disponib pou yo.
Nap raple aktivite sa te òganize nan otèl Montana nan okazyon 16 jou aktivis kont vyolans kap fèt sou fanm ak tifi kap bout 10 desanm. Aktivite a te dewoule tou nan prezans divès reprezantan òganizasyon fanm nan peyi a ,ONG ak reprezantan diplomatik tankou anbasadè Meksik nan peyi Dayiti Daniel Camara ,reprezantan peyi ONUSIDA Dr Christian Mouala, responsab Housing Works Haiti Dr Eva Steide elatriye.
Responsab REF Haïti te pwofite jounen sa pou prezante divès projè yo reyalize tankou yon sant sante ak tout yon espas pou medam ki viktim ensekirite yo abite pandan 45 jou. Yon konba ki pa fasil daprè Novia Augustin ki mande sipò sosyete a sitou leta ayisyen ki sanble fèmen Jel sou travay sa yo kap sipòte medam yo nan peyi a.
