Frantz SAINT-ARMAND enstale, mèkredi 15 me 2024 la, kòm nouvo Direktè depatmantal Polis Nasyonal la nan Grandans. Se Komisè divizyonè Daniel COMPÈRE, Direktè Depatman Sid la ki te dirije seremoni enstalasyon an.
Vandredi 10 me pase a ajan UDMO nan Jeremi te fèmen baryè antre komisarya pou direktè depatmantal Edner Hyacinthe pat mete pyel nan espas la. Polisye yo ki te menase arete direktè depatmanl la te tanmen mouvman sa pou mande revoke l pou plizyè rezon, tankou pozisyon politik li, paske l itilize materyèl enstitisyon an pou regle lòt bagay.
Anplis polisye pwotestatè yo fè konnen direktè Hyacinthe ta konn kenbe chèk yo akoz dezakò l ta genyen ak yon polisye kap revandike. Li te kont tout mouvman sendikal anndann enstitisyon an nan jiridiksyon Jeremi.
Nouvo direktè depatmantal la dil konte sou kolaborasyon tout polisye yo, diferan inite yo ak popilasyon an pou rive tabli sekirite nan depatman an.
Sendika nasyonal polisye ayisyen yo (Synapoha) ki te konn denonse ansyen direktè a salye chanjman sa a, yo salye konpetans ak eksperyans Frantz Saint Armand yo kwè ki gen kapasite pou fè djòb la.
