Sou enstriksyon nouvo Direktè Jeneral a.i PNH la Rameau Normil la, Enspektè Jeneral Jean Maurest Étienne te pwosede, lendi 1ye jiyè 2024 la, ak enstalasyon nouvo kòmandan Gwoup Entèvansyon Polis Nasyonal Dayiti (GIPNH/SWAT), Komisyonè Divizyon Ronald Michel. Li ranplase Komisè Divizyonè Richardson Mersan ki, li menm, yo transfere l nan Direksyon Santral Polis Administratif la (DCPA).
Daprè PNH la enstalasyon sa te fèt an prezans plizyè ajan GIPNH/SWAT, seremoni sa a fè pati chanjman nan chèn kòmand nouvo Direktè Jeneral a.i PNH la, M. Rameau Normil.
Pandan tan sa, bandi ak gwo zam kontinye ap taye banda. Ayè dimanch 30 jen bandit atake épi pran kontwòl komisarya kominote Gresye malgre prezans ofisye polis Kenyan yo sou sòl papa Desalin nan.
