Lapolis nan depatman Sidès peyi a arete Louis-Jeune Jean alyas “Blanc” nan aprè mid samdi 4 me 2024 la nan zòn Marbial. Daprè PNH la popilasyon an idantifye l kòm yon sòlda ki nan gwoup gang “Bout ba” ap dirije a nan antre Sid kapital la nan Maryani.
Louis-Jeune gen 31 lane, li fè pati sòlda “Bout ba” mete nan pòs yo pou ranmase lajan nan men chofè machin yo ak manm popilasyon an sou wout nasyonal nimewo 2 a. Nan moman arestasyon l responsab yo lapolis la fè konnen yo jwenn sou li 113, 500 goud.
