Mario Andresol kwè gen espwa ,Polis nasyonal la ka rezoud problèm ensekirite a.
Ansyen Direktè jeneral polis la ekzije plis mwayen pou rezoud fenomèn ensekirite a .Mario Andresol rekonèt gang yo gen yon gwo avans sou lapolis parapò ak kantite zam sofistike yo posede men solisyon yo la .Koze restriksyon sou zam nan pa Poze anko selon Ansyen DG a ki kwè chaje lòt posiblite pou otorite yo achte zam sou mache entènasyonal la .Li te profite rale zòrèy otorite yo ki pa sispann ranmase nenpòt sa yo jwenn kòm èd nan men bayè yo ,Se Direktè general polis la ki dwe defini ki fòm èd Pnh la bezwen ki adapte ak fòs gang yo ki pa sispann deplwaye estrateji pa yo sou teren an .Plis pase 3 lane depi peyi a plonje nan yon ensekirite San parèy ,mo prekosyon an preske pa ekziste anko ,anndan lakay ou bandi yo rantre pranw mete w nan kacho tankou Esklav ekzije gwo lajanw pat janm genyen pou liberew .Antretan otorite yo kontinye ap bay espwa.Nan selebrasyon fèt PNH la direktè general Polis la Fantz Elbe ki gen 8 mwa nan tèt PNH la la kontinye mande popilasyon an pran pasyans ,li pral jwenn mwayen pou kontrekare bandi yo.Anpil moun kwè polisye yo pa menm ka proteje tèt pa yo alewè pou popilasyon an ,Nap raple 25 polisye deja tonbe anba bal bandi depi ane a komanse selon SYNAPOHA alokse pou RNDDH Soti jen 2021 pou rive jen 2022 gen 44 polisye ki tonbe anba bal.
