Minis Afè Etranjè Bahamas la, Fred Mitchell anonse Kominote Karayib la (CARICOM) pral voye yon delegasyon nan peyi Dayiti, ki pral gen pou misyon «asiste nan pwosesis rekonsilyasyon, rekonstriksyon ak restorasyon». Anons sa a te fèt nan konferans pou laprès ki make 43èm somè CARICOM la, madi 5 jiyè 2022 a.
Fred Mitchell, ki t ap pale nan konferans pou laprès ki te make fen 43èm somè CARICOM la madi nan aswè , fè konnen lidè rejyonal yo dakò sou inisyativ la.
Yon lòt bò, Prezidan CARICOM, Chandrikapersad Santokhi, di li te enfòme sou « sitiyasyon difisil la an Ayiti nan dyaloge ak Premye Minis Ariel Henry». «Nou pwofite eksprime gwo enkyetid nou sou deteryorasyon sitiyasyon sekirite a an Ayiti e Premye Minis la te di nou peyi l ap chèche plis sipò e li mande tou pou yon dyalòg nan nivo nasyonal pou ankouraje tout pèp la, tout moun,tout enstitisyon yo ak lòt moun ki gen enterè yo pou diskite ansanm sou yon bon avni pou Ayiti,» se sa Santokhi te deklare.
Pou sa, CARICOM eksprime kè sote li sou sitiyasyon aktyèl Ayiti a kap lite ak gwo pwoblèm sosyo-ekonomik ak politik, sitou apre asasina Prezidan Jovenel Moïse 7 jiyè 2021pase a.
