Kèk tan aprè l te jwenn liberasyon l mèkredi 10 dawou 2023, rapè Kernizan Wilkinson ki gen non atis li ”Bourik The Latalay” anonse li pral soti yon nouvo ki pale de eksperyans sa li fè anba men lapolis ak otorite jidisyè yo.
”Se yon bon eksperyans, an menm tan tou se yon move eksperyans. Mizik lan rele “Move eksperyans”, se nan prizon an mwen enspire l, n ap jwenn li nan jou yo ak tout videyo” se sa atis la te deklare apre l te fin jwenn liberasyon l.
Nap raple Bourik The Latalay te jwenn arestasyon l madi 25 jiyè pase a, fòs lòd yo te akize li menm ak 6 lòt jèn ki te ansanm avèl yo yo ta nan konivans ak gang Izo 5 segonn. Aprè 2 semèn nan prizon Bourik The Latalay ak 6 lòt jèn yo te jwenn liberasyon yo, sibstiti komisè gouvènman Pòtoprens lan deside li pa jwenn okenn chaj kont yo e pa gen mwayen pou pouswiv yo.
