Plizyè endividi ak gwo zam kidnape nan dimanch maten 26 mas la pou piti 9 moun nan kapital ayisyèn lan. 2 pami yo ta pral legliz ak 7 lòt ta pral asiste ak yon gradiyasyon. Zak kidnapin yo fèt avni Christophe ak ri N nan potoprens lan.
2 moun ki anlve yo nan avni Christophe te nan yon machin epi tap pran wout legliz lè ravisè yo te mande yo pou kanpe machin aprè pou kidnape yo. Yon ajan sekirite ki tap asiste sèn lan tire sou machin kidnapè yo men sa pat anpeche ravisè yo gentan ale.
2 pami 7 viktim yo ta pral resevwa diplòm fen etid inivesitè yo dimanch maten. Kidnapin kolektif sa te simen laperèz lakay chak siwayen ki tap pran chimen legliz.
