Doktè Berthony François libere nan lannwit samdi 13 janvye pou ouvè jodi 14 dimanch 2024 la. Yo te kidnape doktè François jedi kite 11 janvye 2024 la.
Machin kidnapping la pa kanpe nan peyi a. Nan Kat kwen Repiblik la, bandi yo Kontinye ap kidnape epi yo ap sekestre moun yo rive met men sou yo a. Se konsa jedi pase a, ravisè yo te mete men sou Doktè Berthony François ki se mèt Complexe médical Elohim nan, epi yo pati ak li. Fanmi li ak pwòch li ak dlo nan je yo pa t sispann mande malfra yo pou yo libere mesye François pou yo. Aprè anpil anons, bandi yo lage Doktè a.
Daprè enfòmasyon yo se lajan ki bay pou li jwenn liberasyon li. Men enfòmasyon ki rive jwenn redaksyon an pa bay konbyen lajan ki bay pou doktè a libere.
Se preske tout zòn metwopmolitèn nan ki sou kontwòl gang. Nèg ak zam ilegal yo daprè Nasyonzini, yo okipe 80% nan zòn metwopmolitèn nan. Mesye sa yo pwofite enfliyans yo simen latwoublay nan kan popilasyon ayisyen an.
