Nan moman la Kanada ap mennen yon misyon evalyasyon an Ayiti, Minis Afè Etranjè Kanadyen an, Mélanie Joly, ki anonse nouvèl jedi 27 oktòb la.
“Yon delegasyon Gouvènman Kanada ap konsilte ak patnè rejyonal yo, Nasyonzini, Kominote Karayib la (CARICOM) ak lòt patnè,” se sa nou li nan yon deklarasyon ki afiche sou sit wèb Global Affairs Canada.
“Delegasyon nan peyi Dayiti kounya poul konsilte moun ki gen enterè yo epi gade nan ki fason nou ka ede pèp ayisyen an rezoud kriz imanitè ak sekirite a, epi tou pou detèmine kijan Kanada ka kontribye nan repons entènasyonal la.”
Sitiyasyon an Ayiti kontinye ap deteryore chak jou, an patikilye endisponibilite gaz la ke kowalisyon gang Jimmy Chérizier alyas Barbecue ap dirije bloke nan Tèminal Vare a. Blokaj sa a lakòz yon kriz imanitè.Enstitisyon yo ap lite pou yo rekòmanse fonksyone nòmal yo.
Kanada ak kominote entènasyonal la gen enkyetid sou vyolans lan an Ayiti, sitou vyolans kap fèt sou fanm ak tifi. Kanada pap kanpe alòske gang yo ak moun kap sipòtè yo kontinye ap teworize sitwayen Ayisyen yo, epi nap kontinye sipòte ayisyen ki respekte lalwa pou mete fen nan kriz la nan peyi yo,” pawòl Minis Joly.
