Dènye semèn sa yo Pòtoprens ap konnen yon sitiyasyon ki depase limit, kote gwoup ak zam yo ap fè popilasyon an monte le syèl pa do. Nan yon kominikePolis Nasyonal Dayiti anonse gen anviwon 4 bandi ki tonbe ak 2 machin boule mèkredi 20 mas la.
Gen Twa (3) bandi ki tonbe bò 1è nan maten nan zòn Reinbold sou wout Boudon apre yo fin tire sou yon bakòp polis nan 40 B. 2 machin nèg sa yo tap woule pase anba flanm dife nan menm moman.
Yon lòt bò, Petyonvil konnen yon gwo jounen tansyon kote lapolis tap toke kòn avèk yon gwoup bandi nan zòn Bristou. Makandal se non chèf gang sa ki tonbe anba bal, popilasyon an mete dife sou kadav li. Daprè abitan yo, chèf gang sa ta enstale nan zòn sa madi 19 mas la, pou kounya enfòmasyon yo rapòte plizyè nan sòlda l yo gaye nan lanati.
