Nan yon mesaj li pibliye sou kont enstagram li jedi premye jen an, defansè entènasyonal ayisyèn nan Claire Constant anonse li blese, e lk pap gentan disponib pou mondyal 2023 kap gen pou fèt nan peyi Ostrali/nouvèl zeland la.
“Depi mwen te tou piti, mwen te toujou reve jwe yon koup di mond. mwen santi kèm ap rache. Jodia, mwen pran yon dechiri nan ligaman enteryè goch mwen, sa ki vle di map rate mondyal 2023.
Nan mwa fevriye ki sot pase a , mwen te fyè poum te ede ayiti kalifye pou yon mondyal premye fwa nan istwa l. Sete yon eksperyans ki chanje vi a, ou pa ka fini saw te kòmanse kap detwi m. Tout sa mwen ka fè, se rete pozitif ak tout bèl souvni yo, tout bagay rive pou yon rezon.”
Nap siyale defansè 23 lane a pral rate anviwon 6 mwa sanl pap jwe foutbol.
Jonathan Charles
