Pou deplasman Lakay Gérone madi 25 avril la, nan okazyon 31yèm jounen Liga, Real Madrid pap gen sèvis balon dò Fransè a Karim Benzema ak Edauardo Camavinga. Se Antrenè Casa Blanca, Carlo Ancelotti ki anonse nouvèl la nan konferans pou laprès avan match.
De (2) Fransè yo te resevwa plizyè kou nan match kont Celta Vigo a week-end pase a, sa ki lakoz yo pap jwe kont Gérone demen madi 24 avril la. Ancelotti fè konnen, Karim Benzema ap disponib pou jwe kont Almeria samdi 29 avril kap vini la.
Yon lòt bò Carlo Ancelotti fè konnen Rodrygo pat antrene maten lendi 24 avril la akoz Yon pwoblèm an entesten men lap prezan kont Gérone demen. Antrenè Real Madrid la fè konnen tou, tout jwè sa yo ki gen ti pwoblèm fizik ap prezan kont Almeria eksepte David Alaba ki li menm ap retounen nan final Coupe du Roi.
