Gouvènman Repiblik Dayiti a bat bravo pou fason popilasyon an rete tèt frèt , ak sanfwa ak sans patriyotik li devan mezi egzajere otorite Repibiblik Dominikèn sot pran an.
Gouvènman a ap Kontinye mennen yon seri Konsiltasyon pou I ka pran desizyon ki nan enterè tout Ayisyen. Gouvènman an di, yon lòt fwa ankò, se dwa Ayisyen pou itilize, menm jan ak Dominiken, tout resous de peyi yo
pataje ansanm. Dwa sa a pa negosyab.
Gouvènman an toujou rete kwè se dyalòg ki ka rezoud problèm ant Ayiti ak Dominikani sou
Kesyon Rivyè Masak la. Gouvènman an pa aksepte epi li konsidere se yon fòm ostilite lè gen tantativ k ap fèt pou detounen dlo rivyè Masak la dekwa pou anpeche Ayisyen
jwi pati pa I la jan Akò 1929 ant de peyi yo prevwa sa.
Gouvènman an kwè solisyon k ap bon pou Ayiti a dwe konsidere kesyon pataj san fòs kote resous dlo ki sou frontyè a, nomalizasyon relasyon ant de peyi yo, epi posiblite sikilisayon moun ak machandiz, jan sa te ye anvan otorite Dominiken yo te pran desizyon, pou kont
yo, fèmen fwontyè a jou ki te 15 septanm 2023 a.
