Konseye Prezidansyèl Fritz Alphonse Jean rankontre jounen vandredi 12 jiyè 2024 la, Mme Sophia Joseph Riboul, M. Georges Sassine ak M. Delatour Lionel ki se manm Asosiyasyon Endistri Dayiti (ADIH).
Rankont sa se pou diskite sou manda lwa HOPE la, ki ta dwe fini nan mwa jen 2025. Daprè manm ADIH yo renouvèlman lwa HOPE la, se sèl kondisyon k ap evite pòt anpil endistri soutretans fèmen, yo pwofite mande Konseye Prezidan Fritz Alphonse Jean pou l defann koz sa devan Gouvènman Ameriken an, nan lide pou kongrè a kapab renouvle lwa HOPE la, k ap benefik pou sektè a.
Manm ADIH yo anonse yon gwo aktivite BID k ap fèt nan peyi Etazini nan dat 30 jiyè 2024 la, kap reyini plizyè antreprenè ameriken.
Nan non Konsey Prezidansyèl Tranzisyon an, Konseye Prezidan Fritz Alphonse Jean pwomèt manm ADIH yo li pral fè swivi bò kote lòt manm KPT yo, Premye Minis Garry Conille ak Minis Finans lan, pou renouvèlman lwa HOPE la epi fè pwomosyon pou evènman BID la.
