Lapolis nan Florid te entèsepte yon yatch prive nan “Keys” ki te itilize pou fè rantre Etazini ankachèt 30 imigran ayisyen.
Ofisye yo te entèsepte yatch sa 2 pasè t ap eksplwate, nan yon zòn nan Key Biscayne zòn bò lanmè sid Miami Vandredi pase a, se sa enspektè Argemis Colome te di Miami Herald.
Nan yon foto sèvis Ladwàn ak Pwoteksyon Fwontyè (CBP) afiche sou rezo sosyal yo, nou ka wè imigran yo byen fèmen nan yon chanm anba bato nan wotè 60 pye.
Youn nan de (2) pasè jwenn arestasyon l pou kounya li nan men Envestigasyon Sekirite Enteryè (HSI) daprè miami herald.
Nan moman kote peyi Dayiti ap konnen yon kriz sosyopolitik san parèy, ayisyen ap eseye tout mwayen posib pou ta kite peyi a a l pran refij kote dlo a koule pi fre.
Nap raple plizyè fwa otorite ameriken anonse yap depòte tout ayisyen oubyen nenpòt moun kap eseye rantre Etazini ilegal,yo ankouraje yo aplike nan program Biden nan oubyen lòt chemen legal.
