Lapolis Nasyonal Dayiti (PNH), anonse lendi sa yo reprann kontwòl Lopital Jeneral la, pandan yon konferans pou laprès ansanm ak direktè polis la, Normil Rameau, ak kòmandan misyon miltinasyonal sipò pou sekirite (MMSS) Godfrey Otunge.
Operasyon sa a te fèt ak sipò inite elit PNH la. Fevriye pase a, gwoup ak gwo zam te pran kontwòl lopital la, yo te fè li tounen yon baz pou afwontman ak fòs lòd yo.
Kòmandan misyon sipò sekirite miltinasyonal la, Godfrey Otunge renouvle angajman ekip li a pou l travay kole kole ak otorite ayisyen yo ak otorite entènasyonal yo pou retabli lapè.
Yon lòt fwa DG PNH montre l pa vin jwe ak gwoup gang yo, li fè konnen lawouze taye banda toutotan solèy poko leve. Normil Rameau anonse evalyasyon ak preparasyon yo fini, li di tou operasyon yo pa gen dat men popilasyon an ap leve yon jou li jwenn operasyon fèt bandi stope,netralize.
