Daprè rapò ki soti nan wo Komisarya Nasyonzini pou dwa moun. Pou pi piti 70 moun, pami yo 10 fanm ak 3 tibebe, mouri jedi 3 oktòb 2024 la nan masak gwoup gang «Gran Grif» fè sou popilasyon Pon Sonde a.
Drame sa a ki fèt nan komin Sen Mak, depatman Latibonit te fè pou pi piti 16 blese grav nan mitan popilasyon an, genyen tou de (2) manm gang ki tonbe nan pandan echanj katouch ak lapolis.
Bandi yo boule anviwon 45 kay ak 34
machin ak moto yo jwenn sou chimen yo. Nasyonzini mande otorite yo pou louvri yon ankèt rapid rapid sou trajedi sa epi pouswiv responsab zak sa nan devan tribinal, ak garanti reparasyon pou viktim yo ak fanmi yo.
