Yon atak sou yon anbilans MSF lakòz aktivite medikal yo kanpe nan Sant ijans Tijo a
Nan rantre Sant ijans MSF Tijo a, yon gwoup moun ak zam te kanpe yon anbilans òganizasyon an, yo te rive pran pasyan kite ladan I lan ak fòs epi tire sou li plizyè fwa ak zam anvan yo ale. MSF ap anonse aktivite medikal li yo kanpe nan Sant ijans Tijo a, pou yon peryòd ki poko defini.
Madi 12 desanm, li te 4è nan aprèmidi, yon mesye ki te blese te rive antre nan Sant ljans MSF Tijo a, yon katye nan Pòtoprens, pasyan an te grav, sa ki te pouse ekip medikal la deside transfere l nan yon lòt lopital ki te ka ofri l swen espesyalize.
Nan blòk 5è 30 nan aprèmidi, 2 anbilans MSF kite estrikti lopital la ansanm, youn te gen premye pasyan ki te vini an ak yon lòt viktim ki te blese nan yon aksidan machinn. Kék mèt aprè yo soti nan Sant Ijans MSF la, plizyè moun ame te fòse premye anbilans lan kanpe, yo tire kout bal anlè epi enspekte li. Lè sa yo te bay lòd pou dezyèm anbilans lan retounen, pandan tan sa yo t ap retire pasyan ki te nan anbilans ki kanpe a ak vyolans, moun ak zam yo bat li epi tire I plizyè fwa aprè yo ale
“Pou nou kapab ranpli misyon nou, ekip nou yo bezwen yon minimóm sekirite. Nou pa kapab fonksyone si enstitisyon medikal nou yo menase,” se sa Benolt Vasseur, Chèf Misyon pou MSF lan deklare.
“MSF rete youn nan dènye òganizasyon entènasyonal ki ap bay swen sante nan kapital ayisyen nan, nou pa ka aksepte anbilans nou yo ap sibi atak vyolan sa yo, pou y ap tire sou pasyan nou yo nan mitan lari. Pou kontinye travay, MSF bezwen enstitisyon medikal li yo, anplwaye li yo ak pasyan li yo, jwen respè ak pwoteksyon,” se sa li ajoute.
“Nou konstate anpil tristės ak kòlè nan mitan popilasyon ayisyen nan ki chak jou ap sibi aksyon sa yo kote nou se temwen dirèk. Menm si se vyòl, tòti, tantativ asasina oubyen lòt aksyon ankò, pwogram nou yo egziste pou ede yo”. Pou analize kòz atak sa epi evalye risk sekirite ki peze sou òganizasyon an, MSF regrèt men li oblije kanpe aktivite li yo nan Sant ijans Tijo a, ki pral rete fèmen pou yon peryód ki poko defini.
MSF ap kontinye ofri bon jan kalite swen, gratis, nan lòt estrikti li yo ki nan kapital la: nan lopital Site Solèy, nan klinik ki bay swen aprè divės chòk fizik nan Taba 36, ak nan klinik Pran Men m ki resewa sivivan vyolans seksyèl yo nan Dèlma 33.
Klinik mobil nou yo ap kontinye nan divès sektè nan kapital la, ansanm ak nan kan moun ki deplase yo. Nan depatman Sid peyi Dayiti, lopital matenite MSF genyen nan Pòta Piman an ap kontinye resevwa fanm ansent yo ki ap ogmante chak jou pi plis.
