Nan yon lèt tou louvri li pibliye madi 2 avril, Marjory Michel, fè konnen li gen gwo menas lanmò sou do l. Ansyen mis lan lonje dwèt li byen long sou animatè emisyon «Kisa Nou Vle» a Roody Thomas Sanon, ak Jimmy Cherizier alyas Barbecue.
Ansyen minis kondisyon fanm ak dwa fanm nan fè konnen li deside soti nan silans li pou l atire atansyon opinyon piblik nasyonal ak entènasyonal sou menas asasinay 2 moun sa yo ap fè l depi anviwon 2 lane.
«Sou radyo Ibo 98.5 chak maten Roody thomas Sanon pran plezi atakem chak maten ,li souvan prezante m kòm gang ,yon moun yo dwe elimine.»
«Jimmy cherizier sou bò pal toujou toujou ap menasem nan chak entèvansyon piblik, san mwen ak li pat janm kwaze yon jou»
Marjory Michel ap mande poukisa 2 moun sa yo toujou ap atakel? Eske se paskel te fè chwa siyen akò 11 septanm ak 21 desanm nan ?
Èske 2 moun sa yo gen menm relasyon? Se ansanm kesyon ansyen minis la poze nan dokiman sa ki rann piblik.
Pi lwen, kòdonatris Platfòm Fanm Angaje pou Ayiti a fè konnen jan sitiyasyon peyi a ye la, Roody Sanon ak Barbecue dwe responsab nenpòt bagay mal ki ta rive l. Manm akò 21 desanm nan kontinye pou l di li pa gen okenn pwoteksyon, li kontinye ale nan aktivite l jan l te konn fè sa deja.
