Premye Minis Garry Conille rankontre madi 24 jiyè 2024 sa reprezantan Rezo Nasyonal Medya an liy (RENAMEL) ak Asosyasyon Ayisyèn Medya an liy (AHML) sou kriz sosyal ak sekirite a nan peyi Dayiti.
Daprè primati, objektif reyinyon sa a se te kreye yon espas pou diskisyon ant medya an li yo ak gouvènman an. «Siksè eta ijans sekirite a pandan tranzisyon an depann tou, de laprès ak medya sou entènèt yo,» se sa Garry Conille te eksplike, Pm nan kwè medya an liy yo ak enfliyans yo gen yon gwo enpòtans nan rezoud kriz sosyal ak sekirite a.
Reprezantan medya an liy yo te eksprime angajman yo pou yo regilarize ak pran responsablite yo fas ak kriz la. «Se yon angajman sitwayen ak sosyo pwofesyonèl pou nou pran responsablite nou fas ak kriz la an Ayiti,» se sa yo te fè konnen, daprè nòt pou laprès primati a.
