Nan yon nòt ki parèt nan sware samdi 8 jen an Biwo kominikasyon Primati anonse Premye minis Garry Conille viktim ak yon malèz lejè men sitiyasyon sante PM nan estab pou kounya.
«Apre yon semèn anpil aktivite, Premye minis la, Garry Conille, te gen yon ti malèz nan aprè midi samdi 8 jen 2024 la, li te ale lopital pou resevwa swen ka li nesesite,» se sa nou li nan nòt tou kout biwo kominikasyon an.
Si plizyè medya te fè konnen Garry Conille viktim ak Yon pwoblèm respiratwa, primati a nan kominike li mete deyò a pa konfime enfòmasyon sa. Pou asire popilasyon an Biwo kominikasyon primati a fè konnen «sitiyasyon l estab pou kounya».
Yon lòt bò Biwo kominikasyon an fè konnen Premye minis Garry Conille remèsye Konseye Prezidansyèl yo pou vizit yo te rann li epi salye popilasyon an pou ekspresyon afeksyon yo.
